नेपालगञ्जका ५ र कोहलपुरका ६ जना घर गए

नेपालगञ्ज – बाँकेमा आज ११ जना कोरोना जितेर घर फर्किदै छन् । साउन ३० गते कोरोना देखिएका ११ जना डिस्चार्ज भएका हुन् ।
कोरोना जितेर घर जान थालेकाहरु १४ दिनसम्म जिल्लाका विभिन्न आइसोलेसन सेन्टरमा बसेका थिए । कोरोना जितेर घर जानेमा नेपालगञ्जका ५ र कोहलपुरका ६ जना रहेका छन् । जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले अहिलेसम्म ६ सय ९३ जना डिस्चार्ज भएको जानकारी दिनुभयो । जिल्लाका विभिन्न आइसोलेसनमा २ सय ५७ जना उपचारत रहेका छन् ।