लामो समयपछि नरैनापुरमा देखियो कोरोना

नेपालगञ्ज – बाँकेमा आठ जना कोरोना संक्रमित थपिएका छन् ।
प्रमुख जिल्ला अधिकारी रामबहादुर कुरुम्बाङले नेपालगञ्जमा ५, कोहलपुरमा दुई र नरैनापुरमा एकजना संक्रमित थपिएको जानकारी दिनुभयो ।
बाँकेको कोहलपुर र नेपालगञ्जमा लगातार संक्रमित थपिरहेको छ । नरैनापुरमा भने लामो समयपछि संक्रमित भेटिएका छन् । एक चरण ठूलो संख्यामा कोरोना संक्रमित भएको नरैनापुरमा बीचमा संक्रमित फेला परेका थिएनन् । कतिपयले परीक्षण नभएर संक्रमित देखा नपरेको बताउने गरेका थिए ।