एक जना घरतिर, ३२ जना आइसोलेसनमा

नेपालगञ्ज – खजुराका ४१ वर्षीय पुरुषले कोरोनालाई जितेका छन् । नेपालगञ्जको आदर्शनगरस्थित आइसोलेसन सेन्टरमा रहेका खजुरा–३ का उनी मंगलबार डिस्चार्ज भएका हुन् ।
अब बाँकेको आइसोलेसन सेन्टरमा ३२ जना रहेका छन् । आन्तरिक राजश्व कार्यालय, नेपालगञ्जमा कार्यरत जुम्ला र प्यूठानका व्यक्तिसमेत गरेर बाँकेमा चार सय सात जनामा कोरोना देखिएको छ । त्यसमध्येमा दुई जनाको मृत्यु भएको छ ।
भारतबाट आउने क्रम जारी रहेको कोरोना संक्रमण देखा परिरहेकाले सबै पालिकाले आइसोलेसन सेन्टर र क्वारेन्टाइन तयारी अवस्थामा राख्न जिल्लास्तरीय कोभिड–१९ संकट व्यवस्थापन केन्द्रले आग्रह गरेको छ ।