योग दिवसमा क्वारेन्टाइनमा योगा

खजुरा – खजुराको आदर्श माविमा रहेको क्वारेन्टाइनमा योग दिवसर मनाइएको छ ।
खजुरा गाउँपालिका पतञ्जली योग समितिको आयोजनामा क्वारेन्टाइनमा रहेका र यो समितिआवद्धले दिवसले मनाएका हुन् । खजुरा गाउँपालिकाको वडा नं. ३ मा रहेको आदर्शमा उपप्रमुख एकमाया विक, प्रशासकीय अधिकृत बमबहादुर केसी, वडा नं. ३ का अध्यक्ष कान्तुराम गौतम, ४ का अध्यक्ष तिलकवीर सुनार, युवा नेता तथा साइकल अभियान्ता सतिश निरौला, आदर्श मावि व्यवस्थापन समितिका अध्यक्ष नेत्र रानाभाटलगायतको उपस्थिति थियो ।
युवा नेता निरौलाका अनुसार, एक घण्टा योगा र प्रणायामका साथै सहभागीलाई गुर्जो, बेसारलगायत जडीबुटी मिलाएर बनाएको पानी वितरण गरिएको थियो । कार्यक्रम योग समिति खजुराका अध्यक्ष ऋषिकेश जिसीको अध्यक्षतामा सम्पन्न भएको महामन्त्री राजेन्द्रप्रसाद सापकोटाले जानकारी दिनुभयो ।