राप्तीमा ट्याक्टर खस्यो, दुई बेपत्ता

नेपालगञ्ज – बाँकेको अगैयास्थित राप्ती नदीमा ट्याक्टर खसेको छ ।
बैजापुरतिरबाट अगैयातिर आउदै गरेको ना ७ त ५१८ नम्बरको ट्याक्टर राप्तीपुलबाट नदीमा खसेको इलाका प्रहरी कार्यालय, कोहलपुरले जनाएको छ । खाली ट्याक्टर राप्तीपुलको रेलिङ भाँचेर नदीमा खसेको छ ।
ट्याक्टरमा तीन जना रहेकोमा दुई जना बेपत्ता भएका छन् । एकजना ऋषि विक बाहिर निस्किएका छन् । ट्याक्टर चालक सुनिल थारु र अर्का एकजना बेपत्ता भएको घटनास्थलमा पुगेको प्रहरीले जनाएको छ । नेपाल प्रहरी, सशस्त्र प्रहरी र स्थानीयवासी मिलेर बेपत्ताको खोजी थालेका छन् ।