प्रहरी जवानको मृत्यु

नेपालगञ्ज – मोटरसाइकल दुर्घटनामा प्रहरी जवानको मृत्यु भएको छ ।
डिउटी सकेर राती कोठामा जादै गरेका प्रहरी जवान सुभाष सार्कीको मोटरसाइकल दुर्घटनामा मृत्यु भएको हो । भे ३ प ३९ नम्बरको मोटरसाइकलमा सवार रहेका प्रहरी जवान सार्की राँझा चोकमा राती अढाई बजे दुर्घटनामा परेका थिए ।
प्रहरी जवान सार्की स्थानीय प्रशासनले दशगजामा बनाएको क्वारेन्टाइनमा शुरुदेखि नै डिउटीमा थिए । २३ औं दिन सबैलाई घर पठाएपनि प्रहरीको डिउटी अझै त्यहाँ थियो । राती दुई बजे डिउटी सकेपछि कोठामा जान हिडेका प्रहरीको जवान मोटरसाइकल दुर्घटनामा परेर मृत्यु भएको बाँके प्रहरी प्रवक्ता डीएसपी शिवबहादुर सिंहले जानकारी दिए ।