इलेक्ट्रोटिक्सद्वारा सम्मान तथा सहयोग

नेपालगञ्ज – नेपालगञ्ज इलेक्ट्रोनिक्स एशोसिएसनले छैठौ स्थापना दिवसको अवसरमा समाज विकास तथा प्रवद्र्धन केन्द्रलाई सहयोग गरेको छ । बालबालिकाको पालनपोषणमा काम गरिरहेको केन्द्रलाई एशोसियसनले एक क्वीन्टल चामल, दाल, स्टेशनरीलगायत सामाग्री सहयोग गरेको हो ।
एशोसियसनका अध्यक्ष चिरञ्जीवी ओली, उपाध्यक्ष उपाध्यक्ष प्रमोद गुप्तालगायतले सहयोग सामाग्री केन्द्रका अध्यक्ष मिनबहादुर अर्यालले हस्तान्तरण गर्नुभयो ।
स्थापना दिवसको अवसरमा एशोसियसनले नेपालगञ्ज उद्योग बाणिज्य संघका नवनिर्वाचित पदाधिकारी तथा सदस्यहरुलाई सम्मान गरेको छ । संघका अध्यक्ष अब्दुल वाहिद मन्सुरी, उपाध्यक्ष अमित बस्नेत, महासचिव चिरञ्जीवी ओली, कोषाध्यक्ष हरिलाल न्यौपानेलगायत सदस्यहरुलाई स्वागत तथा सम्मान गरिएको छ ।
संघका अध्यक्ष मन्सुरी, महासचिव ओलीले व्यवसायिक हकहितका लागि आफूहरुले काम गर्ने बताउनुभयो । एशोसियसनका उपाध्यक्ष गुप्ता, सचिव विष्णु जोशी, कोषाध्यक्ष डम्बरबहादुर चन्दलगायतले व्यवसायीको हकहितमा काम गर्न सुझाव दिनु भएको थियो ।