भेटियो शर्माको शव

नेपालगञ्ज – पिकनिक खान जादा अगैयास्थित राप्ती नदीमा पौडी खेल्न पसेका शिव शर्माको शव भेटिएको छ ।
नेपाल प्रहरी, सशस्त्र प्रहरी र नेपाल आर्मीको गोताखोर टोलीले विहान पौने दश बजे शव फेला पारेका हुन् । पिकनिक खाएको क्षेत्रमै शर्माको शव भेटिएको छ । पानीभित्र ढुंगामा अड्किएको अवस्थामा शव थियो ।
शनिबार पिकनिक खान गएको बेलामा शर्मा पौडी खेल्न नदीमा पसेका थिए । कोहलपुर–१२, चप्परगौडीका शर्मा अगैयामा पसल सञ्चालन गरेर बसेका थिए । खानपिन पनि नुहाउन नदीमा पसेका शर्मा बेपत्ता भएपछि शनिबार साँझसम्म र आइतबार विहानैदेखि खोजतलास गरिएको थियो । शवलाई निकालेर पोष्टमार्टमका लागि ल्याउने तयारी भएको कोहलपुर प्रहरीले जनाएको छ ।