नरेन्द्र परे प्रहरी फन्दामा

नेपालगञ्ज – नेपालगञ्ज घरबारीटोलका नरेन्द्र रानामगर लागु औषधीसहित पक्राउ परेका छन् ।
भारतबाट लागु औषधी बोकेर आउदै गरेका नरेन्द्र जमुनाहा नाकामा पक्राउ परेका हुन् । लागु औषध नियन्त्रण ब्यूरो र जमुनाहा प्रहरीले नरेन्द्रलाई लागु औषधी सेवन गर्दा इन्जेक्सनमा प्रयोग हुने लोहोरी ९५ पिस, बाइनोरफिन ९५ पिस र एभीगन सय पिससहित पक्राउ गरेको हो ।
नरेन्द्रलाई आवश्यक कारबाहीका लागि जिल्ला प्रहरी कार्यालय, नेपालगञ्ज पठाउने तयारी भइरहेको छ ।
जमुनाहा नाकामा खटिएको लागु औषध नियन्त्रण ब्यूरो र जमुनाहा प्रहरीले शनिबार ठूलो मात्रामा ब्राउनसुगरसहित दुई जनालाई पक्राउ गरेको थियो । भारतबाट लागु औषधी किनेर आउनेहरु नाकामा प्रहरीको फन्दामा पर्ने गरेका छन् ।