बाँकेमा कोरोनाका १९ जना सक्रिय संक्रमित

नेपालगञ्ज – बाँकेमा कोरोनाका सक्रिय संक्रमितको संख्या १९ पुगेको छ । सात जनामा झरेको संक्रमितको संख्या एक-दुई गर्दै बढिरहेको छ ।
आइतबार बाँकेका दुई जना संक्रमित थपिएका छन् । कोहलपुर मेडिकल कलेजमा ७ जनाको परीक्षण गर्दा दुई जना थपिएका हुन् । बागेश्वरी ल्याबमा ४१ जनाको परीक्षण गर्दा कसैलाई पनि कोरोना देखिएन ।
जिल्लामा रहेका १९ जना सक्रिय संक्रमितमध्ये चार जनाको अस्पतालमा उपचार भइरहेको छ । उनीहरु मध्यम विरामी हुन् । अरु होम आइसोलेनमा रहेका छन् ।