बर्दिया कांग्रेसमा राठौर

बर्दिया – नेपाली कांग्रेस, बर्दियाको सभापतिमा अरुणप्रकाश सिंह राठौर निर्वाचित भएका छन् ।
लुम्बिनी प्रदेशका सांसदसमेत रहेका भुवनेश्वर थारुलाई दुई सय दुई मत अन्तरले पराजित गर्दै राठौर जिल्ला सभापति भएका हुन् । राठौरले ८ सय ८० मत ल्याएका छन् । संस्थापन इतर समूहका थारुले ६ सय ७८ मत ल्याएका छन् ।
बर्दियामा एक हजार पाँच सय ७८ मत खसेको थियो । उपसभापतिमा सोदे विष्ट र गोविन्द प्रसाद थारु, सचिव मिनराज चौधरी र जग्गा प्रसाद पाण्डे तथा सहसचिवमा तिलकराम लम्साल र मेक बहादुर गुरुङ निर्वाचित भएका छन् । सबै राठौर प्यानलका हुन् ।