चितुवाको छाला र हड्डीसहित तीन जना पक्राउ

नेपालगञ्ज – कोहलपुर प्रहरीले चितुवाको छाला र हड्डीसहित तीन जनालाई नियन्त्रणमा लिएको छ ।
इलाका प्रहरी कार्यालय, कोहलपुरका डीएसपी रविन्द्र खनालका अनुसार, कोहलपुर नगरपालिका वडा नं. ११ स्थित सागर गेष्ट हाउसमा बसेका सुर्खेत र बाँकेका तीन जनाको साथबाट चितुवाको छाला एक थान र एक किलो ४० ग्राम हड्डी बरामद भएको छ ।
सागर गेष्ट हाउसको कोठा नम्बर २०५ मा बसेका सुर्खेत पञ्चपुरी नगरपालिका वडा नं. ७ का रमेश बयक र बसन्त विसी तथा बाँके राप्तीसोनारी गाउँपालिका वडा नं. ९ का हिरासिंह विकलाई प्रहरीले चितुवाको छाला र हड्डीसहित नियन्त्रणमा लिएको हो ।
यस क्षेत्रका विभिन्न ठाउँमा मारिएका चितुवा, रेडपाण्डालगायतको छाला र हड्डीको कारोबार सीमावर्ती जिल्ला बाँकेमा हुने गर्दछ । यहाँबाट भारत पु¥याउने प्रहरीको भनाई छ ।