भरुवा बन्दुक, छर्रा र कटुवा पेस्तोलसहित छोटेलाल पक्राउ

नेपालगञ्ज – प्रहरीले भरुवा बन्दुक, त्यसमा लाग्ने छर्रा र कटुवा पेस्तोलसहित एक जनालाई पक्राउ गरेको छ ।
लुम्बिनी प्रदेश प्रहरी अनुसन्धान समूह, दाङबाट खटिएको प्रहरीले बाँकेको नरैनापुर गाउँपालिका वडा नं. ६, दोन्द्रा गाउँबाट भरुवा बन्दुक, त्यसमा लाग्ने छर्रा र कटुवा पेस्तोलसहित छोटेलाल राढलाई नियन्त्रणमा लिएको हो ।
५० वर्षीय राढले हात हतियारको कारोबार गरिरहेको विशेष सूचना पाएपछि पुगेको प्रहरीले खानतलासी गर्दा भरुवा बन्दुक, त्यसमा लाग्ने तीन थान छर्रा र कटुवा पेस्तोल बरामद गरेको बाँके प्रहरी प्रवक्ता मधुसुदन न्यौपानेले जानकारी दिनुभयो ।
राढले किन भरुवा बन्दुक, छर्रा र पेस्तोल राखेका थिए भन्ने बारेमा अनुसन्धान भइरहेको बाँके प्रहरीले बताएको छ ।