वडाध्यक्ष सम्पर्कबिहीन

नेपालगञ्ज – कोहलपुर नगरपालिका वडा नं. १२ का वडाध्यक्ष कृष्णबहादुर खड्का सम्पर्कबिहीन भएका छन् ।
घरबाट सुर्खेत जान्छु भनेर हिडेका वडाध्यक्ष खड्का सम्पर्कबिहीन भएका हुन् । अपुष्ट समाचार अनुसार वडाध्यक्ष खड्काको शव बहराइचको शंकर होटलमा भेटिएको भनिएको छ । वास्तविकता बुझ्न गएका मान्छे फर्किसकेका छैन । केही मान्छे सुर्खेत पनि गएका छन् ।
बाँके प्रहरीले घटनाका बारेमा खबर आए पनि बहराइच गएका मान्छे फर्केर नआएकाले यकिन भन्न नसकिने जनाएको छ । मंगलबार सुर्खेत जान्छु भनेर हिडेका खड्का कसरी बहराइच पुगे, अनुसन्धानको विषय बनेको छ ।