भारतबाट आएका नौ जनालाई कोरोना पुष्टि

नेपालगञ्ज – भारतबाट आएका नौ जनामा कोरोना पुष्टि भएको छ ।
नेपालगञ्ज नाकामा गरिएको जाँचमा भारतको गुजरात र दिल्लीबाट आएका नौ जनामा कोरोना पुष्टि भएको हो ।
भारतको गुजरातबाट आएका सात जना र दिल्लीबाट आएका दुई जनालाई कोरोना देखिएको छ । कोरोना देखिनेमा ६ जना सुर्खेत, बाँके, दाङ र जाजरकोटका एक-एक जना रहेका छन् । भारतबाट आएका १४ जनालाई आशंका गरेर जाँच गर्दा नौ जनामा कोरोना पुष्टि भएको थियो ।
नेपालगञ्ज नाकामा यसअघि १५ जनामा कोरोना पुष्टि भइसकेको छ । भारतको दिल्ली, मुम्बई, गुजरातबाट आएका नेपालीमा कोरोना देखिएको छ ।