अब ईगाउँमा हरेक साता सरसफाई

नेपालगञ्ज – बजारउन्मुख रहेको बाँकेको खजुरा गाउँपालिका वडा नम्बर ४, ईगाउँमा शनिबार सरसफाई गरिएको छ ।
स्थानीय युवाहरुको सक्रियतामा ईगाउँ चोकमा सरसफाई गरिएको हो । युवाहरुले अबदेखि हरेकसाता गाउँमा सरसफाई गर्ने गरी योजना बनाइरहेको बताएका छन् ।
ब्यक्ति, परिवार र समाजको स्वास्थ्यलाई मध्यनजर गर्दै सरसफाई गरिएको अभियानका अगुवा गोविन्द खत्रीले बताउनुभयो । कार्यक्रममा खजुरा गाउँपालिका वडा नम्बर ४ का अध्यक्ष तिलकवीर सुनार, नेकपा नेता देवराम विसी, रुपसिंह भण्डारी, समाजसेवी उज्ववल विसी, शंकर रावत, मोहन भण्डारी, गंगाराम विकलगायतको सहभागिता रहेको थियो ।