१३ महिला र १३ पुरुष डिस्चार्ज

नेपालगञ्ज – बाँकेमा सोमबार होम आइसोलेसनमा बसेका १४ जनासहित २६ जना डिस्चार्ज भएका छन् ।
जिल्ला कोभिड–१९ संकट व्यवस्थापन केन्द्रका अनुसार, १३ महिला र १३ जना पुरुषले कोरोना जितेका छन् ।
कात्तिक २८ गते कोरोना पुष्टि भएपछि उनीहरु आइसोलेसनमा बसेका थिए । कोरोना लागेपछि १४ जना होम आइसोलेसनमा बसेका थिए भने अरु भेरी अस्पताल र कोहलपुर मेडिकल कलेजको आइसोलेसनमा रहेका थिए ।
योसँगै जिल्लामा कोरोना जितेर घर फर्किनेको संख्या तीन हजार पाँच सय ३० जना पुगेको छ । एक सय ४३ जना आइसोलेसनमा रहेका छन् ।