४४ जना कोरोनामुक्त

नेपालगञ्ज – बाँकेमा बिहीबार ६ वर्षीय बालकदेखि ८० वर्षीया बृद्धाले कोरोनालाई जितेका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, कोरोना पुष्टि भएपछि होम आइसोलेसनमा बसेका ६ वर्षीय बालक र ८० वर्षीया बृद्धा निको भएर बिहीबार डिस्चार्ज भएका हुन् ।
यीसँगै बुधबार ४४ जना डिस्चार्ज भएका छन् । त्यसमा २३ पुरुष र २१ महिला रहेका छन् । कात्तिक १७ गते कोरोना पुष्टि भएपछि उनीहरु कोही होम आइसोलेसन त कोही अस्पतालहरुमा बसेका थिए ।
जिल्लामा अहिलेसम्म तीन हजार एक सय ९४ जनाले कोरोनालाई जितेका छन् । दुई सय ६२ जना कोरोनासँग लडिरहेका छन् ।