१८ जना डिस्चार्ज

नेपालगञ्ज – बाँकेमा बुधबार १८ जनाले कोरोनालाई जितेका छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले १२ पुरुष र ६ महिला डिस्चार्ज भएको जानकारी दिनुभयो ।
आज डिस्चार्ज भएकाहरु कात्तिक २ गते कोरोना संक्रमित भएका थिए । फोकलपर्सन श्रेष्ठका अनुसार, अहिलेसम्म जिल्लामा दुई हजार ६ सय ७८ जना डिस्चार्ज भएका छन् । २ सय ९६ जना आइसोलेसनमा रहेका छन् ।
पछिल्लो दिनमा कुनै लक्षण चिन्ह नदेखिएमा १० दिनमा डिस्चार्ज गर्ने नीति कारणले लक्षण चिन्ह नदेखिएका धेरैले दशैं मान्न पाएका छन् ।