३२ जना थपिए

नेपालगञ्ज – बाँकेका तीन वटा अस्पतालबाट बिहीबार ३२ जनामा कोरोना पुष्टि भएको छ ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, भेरी अस्पतालले १२ जना, मेडिकल कलेज, कोहलपुरले १८ जना र बागेश्वरी ल्याबबाट दुई जनामा कोरोना पुष्टि भएको छ ।
भेरीले एक सय ३१ जनाको परीक्षण गर्दा १२ जनाको पोजिटिभ रिपोर्ट आएको जानकारी दिएको छ । भेरीमा पुष्टि भएका १२ जनामा दुई जना कोहलपुर र अरु नेपालगञ्जका छन् । मेडिकल कलेजले १८ र बागेश्वरी ल्यावबाट दुई जना बाँकेकै थपिएका छन् ।