लक्षण नदेखिएकाहरु घर जाने दिन गन्दै

नेपालगञ्ज – बाँकेमा बिहीबार ४४ जनाले कोरोना जितेका छन् ।
विभिन्न आइसोलेसनमा १४ दिन बसेका उनीहरु डिस्चार्ज भएसँगै घर जादैछन् । उनीहरुलाई भदौ १८ गते कोरोना देखिएको थियो ।
बाँकेमा योसँगै डिस्चार्ज हुनेको संख्या एक हजार एक सय ३२ पुगेको छ । चार सय ६ जना आइसोलेसनमा बसिरहेका छन् । जिल्लामा लक्षण नदेखिएका धेरै छन् । जो कहिले १४ दिन पुग्ला र घर जान पाइएला भनेर दिन गनेर बसेका छन् ।
सरकारले लक्षण चिन्ह नदेखिएकालाई घरमै बस्ने सुविधा दिइसकेकाले अबका दिनमा भने यो दिन गन्ने टेन्सनबाट मुक्त हुने देखिएको छ ।