५ महिला, ५ पुरुष घरतिर

नेपालगञ्ज – बाँकेमा बुधबार दश जनाले कोरोना जितेका छन् । कोरोना जित्नेमा ५ महिला र ५ पुरुष रहेका छन् ।
भदौ १७ गते कोरोना देखिएपछि भेरी अस्पताल, इन्द्रेणी होटल र खजुरास्थित कृषि तालिम केन्द्रमा बसेका उनीहरु डिस्चार्ज भएसँगै घर जादैछन् । डिस्चार्ज हुनेमा प्रहरीलगायत छन् ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले बाँकेमा अहिलेसम्म एक हजार ८८ जना कोरोना जितेर गएको जानकारी दिनुभयो । अहिले आइसोलेसनमा ४ सय १६ जना बसिरहेका छन् ।