तीन प्रहरी पुरस्कृत

नेपालगञ्ज – बाँके प्रहरीले तीन जना प्रहरीलाई पुरस्कृत गरेको छ ।
विभागीय मूल्य मान्यता, आदेश निर्देशनको अक्षरस पालना गरी व्यवसायिक, लगनशील, इमान्दार र कर्तब्यनिष्ट तवरले कर्तब्य पालनामा तल्लिन रही उच्च मनोबलका साथ तोकिएको जिम्मेवारी अनुसार कुशल भूमिका निर्वाह गरी प्रशंसनीय कार्य गरेको भन्दै बाँके प्रहरीले प्रहरी नायव निरीक्षक (सई) सुरेन्द्रकुमार पन्त, प्रहरी जवानद्वय पूर्णबहादुर महतरा र रामसुमा चौधरीलाई अभिलेखमा जनिने गरी नगद पुरस्कारद्वारा पुरस्कृत गरेको हो । प्रहरी जवान चौधरीलाई असार महिनाको उत्कृष्ट प्रहरी घोषणा गरी कदरपत्र प्रदान गरिएको छ ।
इलाका प्रहरी कार्यालय, कम्दीका इन्चार्ज रहेका सई पन्तले भन्सार छलीका सामान सबैभन्दा धेरै समातेको बुझिएको छ ।