दुर्घटनामा एकको मृत्यु

नेपालगञ्ज – अगाडि गइरहेको लडियामा ठोक्किदा मोटरसाइकल चालकको मृत्यु भएको छ ।
नेपालगञ्जदेखि कोहलपुरतर्फ गइरहेको भे ८ प ४६४ नम्बरको मोटरसाइकल सोही दिशातिर गइरहेको लडियामा पछाडीबाट ठोक्किदा मोटरसाइकल चालक सुर्खेत लेकबेसी नगरपालिका–५ का गणेश नेपालीको मृत्यु भएको हो ।
शनिबार राती नौ बजे गनापुरमा दुर्घटना भएको थियो । ४० वर्षीय नेपालीको उपचारको क्रममा आइतबार विहान पौने चार बजे नर्सिङहोममा मृत्यु भएको जिल्ला ट्राफिक प्रहरीले जनाएको छ । रातीमा हुस्सु लागेकाले दुर्घटना भएको आकलन गरिएको छ ।
दुर्घटना भएको मोटरसाइकल प्रहरीको नियन्त्रणमा छ भने लडिया कसको हो खुलेको छैन ।