बर्दियामा तीन जना थपिए

नेपालगञ्ज – बर्दियामा तीन जना संक्रमित थपिएका छन् ।
गुलरिया नगरपालिकाको २ र १० नम्बर वडामा तीन जना संक्रमित थपिएका हुन् । स्वास्थ्य तथा जनसंख्या मन्त्रालयले दिएको जानकारी अनुसार, गुलरिया नगरपालिका वडा नं. २ का १८ र वडा नं. १० का २२ र २४ वर्षका व्यक्तिमा कोरोना पुष्टि भएको छ । यी तिनै जनाको नेपालगञ्जस्थित भेरी अस्पतालमा जाँच भएको थियो ।
सोमबार अपरान्ह साढे चार बजे सार्वजनिक गरिएको विवरण अनुसार देशभरमा ६ जना संक्रमित थपिएका छन् । थपिनेमा सेती अस्पतालमा जाँच भएको एकजना र नारायणी अस्पतालमा जाँच भएका दुई जना छन् ।
यसैबीच, बाँकेमा १८ वर्षीय युवाले पनि कोरोनालाई जितेका छन् ।
खजुरास्थित क्यान्सर अस्पतालको आइसोलेसन कक्षमा राखिएका नेपालगञ्ज–८ का १८ वर्षीय युवाले कोरोनालाई जितेका हुन् । उनी सोमबार घर फर्किएका छन् ।