मौलाना र पूजारीको रिपोर्ट ‘नेगेटिभ’

नेपालगञ्ज – बाँकेको नरैनापुर र नेपालगञ्जको बागेश्वरी मन्दिरबाट संकलन गरिएको स्वावको रिपोर्ट नेगेटिभ आएको छ ।
नरैनापुरबाट ३१ जना मौलाना, ७ जना पूजारीसहित ५६ जनाको स्वाव परीक्षण गरिएको थियो । त्यस्तै, नेपालगञ्जको बागेश्वरी मन्दिरबाट पूजारीसहित ४० जना र मेडिकल कलेजबाट तीन जनाको स्वाव परीक्षण गरिएकोमा सबै नेगेटिभ आएको जिल्ला स्वास्थ्य कार्यालय, बाँकेका अधिकृत एवं कोरोना फोकलपर्सन नरेश श्रेष्ठले जानकारी दिनुभयो ।
फोकलपर्सन श्रेष्ठका अनुसार, अब शनिबार संकलन गरिएको ९० जनाको स्वावको रिपोर्ट आउन बाँकी रहेको छ । यसलाई बडो चासोको साथ हेरिएको छ । किनकी, यी ९० जना कोरोना संक्रमित व्यक्तिका घरपरिवार, आफन्ती र सम्पर्कमा आएका व्यक्ति हुन् ।