ट्यांकीमा चाँदीको थुप्रो

नेपालगञ्ज – भारतबाट मोटरसाइकलको ट्यांकीमा राखेर ल्याउदै गरेको ठूलो मात्राको चाँदी बरामद भएको छ ।
भारत नानपाराबाट मोटरसाइकलमा चाँदी बोकेर आएका मटेलाका अलिम सल्मानी नेपालगञ्जमा पक्राउ परेका हुन् । युपी ३२ जेपी ३८८८ नम्बरको मोटरसाइकलको ट्यांकीमा आठ किलोबढी चाँदी ल्याइरहदा वडा प्रहरी कार्यालय, नेपालगञ्जको टोलीले गोसाईगाउँबाट अलिमलाई पक्राउ गरेको हो ।
वडा प्रहर कार्यालयका इन्चार्ज हरि बस्नेतले विशेष सुराकीका आधारमा अलिमलाई चाँदीसहित पक्राउ गरेको बताउनुभयो ।

अलिमले चाँदीका विभिन्न गहना बनाएर ल्याइरहेका थिए । नानपाराका रहिस हलुवाईको सामान बोकेर आएको अलिमले दावी गरे । पाँच सय रुपैया भारु दिन्छु भनेपछि आफू चाँदी बोकेर आएको अलिमले बताए । उनका अनुसार, मोटरसाइकल पनि रहिसले नै दिएर पठाएका हुन् ।