भारतीय डाँका पक्राउ

नेपालगन्ज – बाँके प्रहरीले दुई जना भारतीय डाँकालाई पक्राउ गरेको छ ।
जानकी गाउँपालिका वडा नं. ४, जानकीनगरस्थित दुर्गाकुमारी दमाईको घरमा लुटपाट गरेको आरोपमा भारत बहराईच थाना खैरीघाटका मनेश्वर गोडिया र कुलेराज कुर्मीलाई पक्राउ गरिएको हो ।
रातीमा सामान चाहियो भनेर आएका गोडिया र कुर्मीलगायतले बन्दुक र धारिलो हतियार देखाएर सुनका गहना, नगद, पसलको सामान लुटेका थिए । घटनामा अरु दुई जना संलग्न रहेको पुष्टि भएको छ । उनीहरुको खोजी भइरहेको बाँके प्रहरी प्रवक्ता डीएसपी नारायण डाँगीले बताए ।
पक्राउ परेका दुई जनालाई बाँके जिल्ला अदालतबाट तीन दिनको म्याद थप गरिसकिएको छ ।