राँझा चोकमा वृक्षरोपण
नेपालगञ्ज – नेपालगञ्ज सुर्खेतरोड अन्तर्गत रांझा चोकको पूर्वपट्टीको सडक छेउमा बृहत वृक्षरोपण गरिएको छ । नेपालगञ्ज शहरलाई स्वच्छ, सफा, सुन्दर र हरियाली बनाउने अभियानका अभियन्ता क्लिन नेपालगञ्ज ग्रिन नेपालगञ्जका अध्यक्ष डा. विनोद कर्ण नेतृत्वको समूहले वृक्षरोपण गरेको हो ।
जाजरकोट र रुकुमपश्चिममा गएको भुकम्पबाट निधन भएकाहरुको सम्झनामा स्वच्छ वाताबरण सृजना गर्नका लागि विभिन्न जातका विरुवाहरु रोपिएको अध्यक्ष कर्णले बताउनुभयो ।
उहाँका अनुसार राँझा चोक नगरको प्रबेशद्धारको रुपमा रहेकोले मुख्य सडक आसपासको क्षेत्रलाई हराभरा सहरको रुपमा पहिचान गराउँनका लागि विरुवा रोपिएको हो । सडकको छेउमा सैयौ विरुवा रोपिएको छ ।
अभियन्ता कर्णको पहलमा विगतका केही वर्षदखि नेपालगञ्जमा स्वःस्र्फुत रुपमा सरसफाई र वृक्षरोपणको कार्यले नेपालगञ्ज शहर अहिले हराभरा देखिन थालेको छ । नेपालगञ्ज सुर्खेतरोड अन्र्तगत सैयौ विरुवा रोप्नुभएका कर्णले अहिले सबै विरुवा तथा फुलका बोटले सुन्दर र हरियाली देखिएको पाइन्छ ।
नगरमा सरसफाई अभियानले स्थानीयलाई समेत उत्प्रेरणा जगाएको सामाजिक अभियन्ता सूचना र मानव अधिकार अनुसन्धान केन्द्रका अध्यक्ष विश्वजित तिवारीले बताउनुभयो ।
