नेपालगञ्जमा केहीबेरमा मतगणना

नेपालगञ्ज – नेपालगञ्जमा मतगणनाको तयारी गरिएको छ । १२ बजेदेखि गन्ने भनिएको मतगणना केहीबेरमा शुरु हुने बताइएको छ ।

प्रतिनिधि सभाको शुरुमा गन्ने गरी तयारी गरिएकोमा सबै एकैपटक गन्ने भनिएपछि ठाउँ मिलाउदा ढिला भएको निर्वाचन अधिकारीहरुले बताएका छन् । बाँके क्षेत्र नं. २ को नेपालगञ्जको भेरी प्राविधिक शिक्षालयमा गणना हुँदैछ ।

क्षेत्र नं. ३ को खजुरामा मतगणना भइरहेको छ । दुई हजार एक सय ७५ मतगणना हुँदा एमालेका किस्मतकुमार कक्षपतिले अग्रता लिएका छन् । कक्षपतिले ९ सय ८४ र कांग्रेसका किशोरसिंह राठौरले ६ सय ८३ मत ल्याएका छन् ।

क्षेत्र नं. १ को अगैयामा अझै मतगणना शुरु भएको छैन । दिउँसो १ बजेदेखि मतगणना गर्ने तयारी गरिएको छ ।