नेपालगञ्जमा डा. राणाको दोब्बर बढीको अग्रता
नेपालगञ्ज – बाँके क्षेत्र नं. २ मा राप्रपाका डा. धवलशमशेर राणाले दोब्बर बढीको अग्रता लिएका छन् ।
नेपालगञ्जको भेरी प्राविधिक शिक्षालयमा भइरहेको मतगणनामा राप्रपाका डा. राणालाई जसपाका मो. इस्तियाक राईले पछ्याइरहेका छन् ।
४ हजार २ सय ५५ मत गन्दा डा. राणाले २ हजार तीन सय ४६ मत ल्याएका छन् । जसपाका राईले एक हजार एक सय १३ मत ल्याएका छन् । कांग्रेसका सुदीपनरसिंह राणाले तीन सय २ मत ल्याएका छन् । अहिलेसम्म गणना भएको वडालाई एमाले र राप्रपाको संगठन राम्रो भएको मानिन्छ ।
क्षेत्र नं. २ मा ९७ हजार ८ सय ९ मतदाता रहेकोमा ७६ हजार ९ सय ५० मत खसेको छ । यहाँ राप्रपा र एमालेको गठबन्धन रहेको छ ।
