दुई जना फरार प्रतिवादी पक्राउ

नेपालगञ्ज – बाँके प्रहरीले दुई जना फरार प्रतिवादीलाई पक्राउ गरेको छ ।

लागु औषध मुद्दामा अदालतले सजाय तोकेका कोहलपुरका अजयकुमार चौधरी र सुदीप चौधरीलाई प्रहरीले पक्राउ गरेको हो ।

कोहलपुर नगरपालिका वडा नं. १५ का अजयलाई जिल्ला अदालतले २०७८ मंसीर ८ गते नौ महिना २१ दिनको कैद सजाय सुनाएको थियो ।

त्यस्तै, कोहलपुर नगरपालिका वडा नं. १० का सुदिपलाई अदालतले २०७८ माघ ३० गते २८ दिनको कैद सजाय तोकेको थियो । फैसला हुँदादेखि नै फरार रहेका दुवै जनालाई सोमबार पक्राउ गरेर प्रहरीले अदालत समक्ष बुझाएको छ ।