अध्यक्षलाई खुवाइयो शपथ
नेपालगञ्ज – स्थानीय तहमा नवनिर्वाचित अध्यक्षलाई शपथ ग्रहण गराइएको छ । शुक्रबार एक समारोहका विच बाँके डुडुवा गाउँपालिका अध्यक्ष नरेन्द्रकुमार चौधरी र खजुराका डम्बर विकले शपथ ग्रहण गरेका हुन् ।
बाँके जिल्लाका मुख्य निर्वाचन अधिकृत तथा जिल्ला न्यायाधीश खडानन्द तिवारीले दुवै जनालाई शपथ ग्रहण गराउनु भएको हो ।
शपथ अध्यक्षले गाउँपालिका उपाध्यक्ष, वडाध्यक्ष र सदस्यहरुलाई शपथ गराउने छन् । स्थानीय सरकार सञ्चालन ऐन २०७४ को दफा १०९ (१) बमोजिम शपथ ग्रहण गराइएको छ ।
सो ऐनको दफा १०९ (२) अनुसार अध्यक्षले उपाध्यक्ष, वडाध्यक्ष र वडा सदस्यहरुलाई सात दिनभित्र शपथ गराउनुपर्ने व्यवस्था रहेको छ । अध्यक्ष चौधरी डुडुवा गाउँपालिका अध्यक्षमा पुन दोस्रो कार्यकालका लागि निर्वाचित भएका हुन् ।
