टिप्परको ठक्करबाट बृद्धको मृत्यु
नेपालगञ्ज – नेपालगञ्जमा टिप्परको ठक्करबाट ७० वर्षीय बिरबल भण्डारीको मृत्यु भएको छ ।
मंगलबार विहान ८ बजेतिर नेपालगञ्ज उपमहानगरपालिका वडा नं. २०, राँझामा भे १ क ६५७ नम्बरको टिप्परले ठक्कर दिंदा हुम्ला घर भई हाल राँझामा बस्ने भण्डारीको मृत्यु भएको हो ।
बृद्धलाई ठक्कर दिने टिप्परलाई प्रहरीले नियन्त्रणमा लिएको छ ।
यसैबीच, राँझामा स्थानीयले सडक अवरोध गरेका छन् । उचित क्षतिपूर्ति र कारबाहीको माग राख्दै स्थानीयले सडक अवरोध गरेका हुन् ।
