चैत्र १० देखि १४ गतेसम्म पीएम कप भलिबल हुने

नेपालगञ्ज – सगरमाथा सिमेन्ट प्रधानमन्त्री कप महिला भलिबल प्रतियोगिता चैत्र १० देखि १४ गतेसम्म हुने भएको छ ।
बाँके जिल्ला भलिबल संघले आयोजना गर्ने प्रतियोगिताको यो आठौ संस्करण हो । नेपालगञ्ज रंगशालाको कभर्ड हलमा हुने प्रतियोगितालाई नेपालगञ्जको चिनारीको रुपमा विकास गरिदै लगिएको छ ।
संघका अध्यक्ष टीएस ठकुरीले प्रतियोगितालाई निकट भविष्यमा दक्षिण एशियाली क्लव च्याम्पियनसीपका रुपमा विकास गर्ने लक्ष्य रहेको बताउनुभयो ।
प्रतियोगितामा नेपालका चर्चित क्लवको सहभागिता रहने गर्दछ । भारतका चर्चित क्लवलाई सहभागी गराउने प्रयास भइरहेको छ ।
प्रधानमन्त्री कपको पहिलो संस्करणमा नेपाल पुलिस क्लब, दोस्रोमा नेपाल एपीएफ क्लब, तेस्रो र चौथो संस्करणमा रेलवे इन्डिया, पाँचौंमा एपीएफ, छैटौंमा पुलिस र सातौ संस्करणको विजेता नेपाल एपीएफ क्लव भएको थियो ।