न्यू दर्पण कपमा आयोजक फाइनल प्रवेश


खजुरा – बाँकेको खजुरा गाउँपालिका वडा नम्बर ४, ईगाउँमा जारी दोस्रो दर्पण कप खुला नकआउट फुटबल प्रतियोगितामा आयोजक न्यू दर्पण युवा स्पोर्टस क्लव फाइनल प्रवेश गरेको छ ।
ईगाउँस्थित मनकामना माविको खेल मैदानमा बिहीबार भएको पहिलो सेमिफाइनलमा न्यू जेनेरेशन एफसीलाई ० का बिरुद्ध ६ गोलको फराकिलो अन्तरले पराजित गर्दै आयोजक न्यू दर्पण फाइनलमा प्रवेश गरेको हो । न्यू दर्पणका तर्फबाट म्यान अफ द म्याच विपिन थापा मगर र श्याम बयादीले ह्याट्रिक पुरा गरे ।
प्रतियोगिताको दोश्रो सेमिफाइनल खेल शुक्रबार न्यू डाँफेस्पोर्टस क्लवब डीगाउँ र पशुपति युवा क्लव खजुरा ८ घियाबीच हुने आयोजक न्यू दर्पण युवा स्पोर्टस क्लवका कोषाध्यक्ष देबबहादुर बिसीले जानकारी दिनुभयो । दोस्राे सेमिफाइनल अघि शुक्रबार नै मैत्रीपूर्ण  लिजेण्ड फुटबल हुनेछ । प्रतियोगिताको फाइनल खेल शनिबार दिउंसो हुनेछ ।
प्रतियोगितामा बिभिन्न १४ समूहको सहभागिता रहेको आयोजक न्यू दर्पण युवा स्पोर्टस क्लवका अध्यक्ष प्रकाश केसीले बताउनुभयो ।  प्रतियोगितामा प्रथमलाई नगद एक लाख ११ हजार १११ र दोस्राे हुनेलाई ५५ हजार ५५५ रुपियाँ नगद पुरस्कारको ब्यवस्था गरिएको उपाध्यक्ष गोबिन्द खत्रीले बताउनुभयो ।


error: यो सुविधा उपलब्ध छैन !