बद्री पंगेनीको दमदार प्रस्तुती

नेपालगन्ज – प्रादेशिक महोत्सवको आठौं दिन लोक गायक बद्री पंगेनीको दमदार प्रस्तुती दिए । उनको बहुचर्चित गीत तिम्रो राशी तुला राशी लगायतको गीतमा दर्शकलाई नचाएका थिए ।
देउडा गायक लालबहादुर धामी (अछामी बड्डा)ले देउडा गीतबाट आयोजक र दर्शकलाई निकै नचाएका थिए । कार्यक्रममा लोक गायिका अनिता चलाउने र लोक गायिका सपना शाहीले गीत गाएका थिए । हेमराज अधिकारी (खन्टे खलास समूह) र भीम विष्ट (अछामी रेखा)ले समसामयिक विषयमा हास्यव्यङ्ग्य प्रस्तुत गरेका थिए ।
साँस्कृतिक व्यवस्थापन समितिका संयोजक मख्खनबहादुर धामीका अनुसार महोत्सवको नवौं दिन शुक्रबार चर्चित लोकगायक पशुपति शर्मा, लोकदोहोरी गायिका रुपा घर्ती मगर, लोक पप गायक टंक तिमिल्सैना, डान्सर अन्जु सुनारको प्रस्तुती पनि हुनेछ ।