बाग्मती र न्यू दर्पण सेमिफाइनलमा

खजुरा – बाँकेको खजुरामा जारी नवौ डाँफे कप नक आउट फुटबल प्रतियोगितामा शुक्रबार बाग्मति स्पोर्टस क्लब र न्यू दर्पण युवा क्लब विजयी हुँदै सेमिफाइनलमा प्रवेश गरेका छन् ।

पहिलो खेलमा बाग्मति स्पोर्टस क्लब बीगाउँले एफसी ब्रोदर्स खजुरालाई पेलान्टी सुट आउटमा पराजित गर्याे । खेल सुरु भएको ५ मिनेटमा बाग्मति स्पोर्टस क्लबका श्याम ब्यादीले गोल गरेका थिए । ३६ औं मिनेटमा एफसी ब्रोदर्सका प्रेम सुनारले गोल गरेर टीमलाई बराबरीमा ल्याएपछि  खेलकाे निर्णय पेनाल्टीबाट गरिएकाे थियाे । पेलान्टीमा ३-१ गाेलले बाग्मति बिजयी भयाे । खेलको म्यान अफ द म्याच बाग्मती स्पोर्टस क्लबका गोल किपर सुदिप शाही भए ।

अर्काे खेलमा न्यू दर्पणले धम्बाेझी स्पाेर्टसलाई पराजित गर्याे । निर्धारित समयमा गाेल हुन नसकेपछि खेलकाे निर्णय पेनाल्टीबाट गरिएकाे थियाे । जसमा न्यू दर्पणले बाजी मार्याे ।  खेलको म्यान अफ द म्याच न्यू दर्पणका धनसिंह विक भए । प्रचार संयोजक खगेन्द्र दाहालका अनुसार दुबै म्यान अफ द म्याच घोषित खेलाडीले नेपालगञ्जमा रहेको थोपा प्रयोगशालाको तर्फबाट नगद ११ सयका पाए ।