सुनसहित भारतीय पक्राउ

नेपालगञ्ज – बांके प्रहरीले सुनसहित भारतीय नागरिकलाई पक्राउ गरेकाे छ ।
नेपालबाट ७० ग्राम सुनका विभिन्न गहना बनाएर भारततर्फ जाँदै गरेका भारत बाबागञ्जका ४० वर्षीय बब्लु भन्ने सञ्जय साेनीलाई प्रहरीले नेपालगञ्ज-१०, चारबाहिनीबाट पक्राउ गरेकाे हाे ।
युपी ४० एयु ४१९९ नम्बरकाे माेटरसाइकलमा रहेका सञ्जयकाे साथबाट २ थान मिनि हार, एक थान मसिनाे सिक्री, एक थान लकेट, कानमा लगाउने झाला ४ थान र एक थान अाैठी बरामद भएकाे छ । उनकाे साथबाट केही नक्कली गहना पनि बरामद भएकाे छ ।
बांके प्रहरी प्रवक्ता डीएसपी नारायण डांगीका अनुसार, ग्यारेन्टीवाला कानमा लगाउने टप ५४ जाेर, बेरुवा ३१ जाेर, राताे पाेते पाइप लगाएकाे एक थान बरामद भएकाे छ ।