बाघकाे अाक्रमणबाट एककाे मृत्यु

नेपालगञ्ज – बर्दियामा बाघकाे अाक्रमणबाट एक जनाकाे मृत्यु भएकाे छ ।
राजनपुर नगरपालिका वडा नम्बर १० कि २५ वर्षीया ममता सुनारकाे बाघकाे अाक्रमणबाट मृत्यु भएकाे हाे ।
घर नजिक जंगलमा दिउंसाे १२.३० बजे घाँस काट्न जादा बाघले अाक्रमण गरेकाे थियाे । गम्भीर घाइते भएकी सुनारलाई उपचारका लागि बर्दिया जिल्ला अस्पतालमा पुर्याउने बित्तिकै मृत्यु भएकाे बर्दिया प्रहरी प्रवक्ता डीएसपी तुलसीराम अर्यालले जानकारी दिए ।
घाँस काट्न तीन जना गएका थिए । सुनारलाई अाक्रमण गरेपछि अरु दुई जना डराएर बेहाेस भएका थिए । उनीहरुकाे स्थानीय मेडिकलमा उपचार भइरहेकाे छ ।
भारतकाे कतरनिया वन्यजन्तु अारक्ष र नेपालकाे बर्दिया निकुञ्जका वन्यजन्तु अाेहाेरदाेहाेर गर्ने मुख्य मार्ग खाता जैविक मार्गमा पर्ने राजापुर र मधुवन नगरपालिकाकाे राष्ट्रिय वन, सामुदायिक वन र निकुञ्ज अासपासमा बाघकाे अाक्रमण बढिरहेकाे छ ।