डुडुवाको घरदैलोमा नेका उम्मेदवार राणा
डुडुवा – बाँकेको क्षेत्र नम्बर २ बाट प्रतिनिधि सभा सदस्य उम्मेदवार सुदीपनरसिंह राणाले डुडुवा गाउँपालिकामा चुनावी अभियानलाई तिब्रता दिएका छन् ।
नेपाली काँग्रेसबाट उम्मेदवारी दिएका राणा केही दिनयता चुनावी प्रचारप्रसारका क्रममा डुडुवा गाउँपालिकाका विभिन्न वडा तथा बस्तीहरुमा पुगिरहेका छन् ।
घरदैलोमा पुग्दा जनताले न्यानो स्वागत गरेको राणाको भनाई छ ।
मंगलबार पनि चुनावी प्रचारका क्रममा राणा डुडुवा उँपालिकाको वडा नम्बर ५ मा रहेका डलैपुर, गुहाना, रंगीताल, तिलकपुर, मिलनिया, मोतिडाडाँ, डाँगी टोल पश्चिम तिलकपुर, जब्दहवा लगायतका विभिन्न बस्तीहरुमा पुगेका थिए ।
मतदातालाई भेट्ने क्रममा राणाले आफू जनताको सेवा गर्न चुनावी अभियान होमिएको बताउँदै, डुडुवाबासीको हरेक समस्या आफ्नो रहेको बताए ।
