चुराको गोदाममा आगलागी हुँदा एक जनाको मृत्यु

नेपालगञ्ज – चुराको गोदाममा आगलागी हुँदा एकजनाको मृत्यु भएको छ ।

नेपालगञ्ज उपमहानगरपालिका वडा नं. ५, रामबागमा मो. आरिफ अन्सारीले राखेको चुराको गोदाममा आगलागी हुँदा उनका साला नाता पर्ने समीर वलीको जलेर मृत्यु भएको हो । आइतबार विहान ५ बजे आगलागी भएको थियो ।

मो. आरिफले कोठा भाडामा लिएर चुरा राखेका थिए । त्यहाँ एक्कासी आगलागी भएपछि समीर जलेका थिए । बाँके प्रहरी प्रवक्ता डीएसपी रामप्रसाद घर्तिका अनुसार, आगोमा धेरै नजलेका समीरको निस्सासिएर मृत्यु भएको छ । प्रहरीले घटनाको बारेमा अनुसन्धान गरिरहेको जनाएको छ ।