दोहोरिएका प्रमोदले भुपु कर्मचारीको अनुभवलाई उपयोग गर्ने
नेपालगञ्ज – नेपालगञ्ज उपमहानगरपालिका वडा नं. १ का नवनिर्वाचित अध्यक्ष प्रमोद रिजाललगायत टीमले पदभार ग्रहण गरेका छन् ।
वडा कार्यालयमा एक समारोहको आयोजना गरेर अध्यक्ष रिजाललगायत वडा सदस्यहरुले पदभार ग्रहण गरेका हुन् ।
दोस्रो पटक अध्यक्षमा दोहोरिएका रिजालले पदभार ग्रहणसँगै वडाका प्रत्येक टोलमा तीन÷तीन महिनामा गएर जनताका कुरा सुन्ने बताउनुभयो । उहाँले साना उद्योगलाई सहयोग, गरीव विद्यार्थीलाई पढाउनेदेखि वडामा रहेका अवकास प्राप्त व्यक्तिहरुको लगत लिएर उनीहरुको अनुभवलाई उपयोग गर्ने बताउनुभयो ।
दोहोरिएका वडा सदस्य जगमोहन काँदुले सरल, सहज र अत्याधुनिक किसिमले सेवा दिन बताउनुभयो ।
वडा नं. १ मा अध्यक्ष रिजाल, सदस्यहरु काँदु, इन्द्रबहादुर राना, सीता परियार र पुष्पा सिंह विजयी भएका छन् ।
पदभार ग्रहण तथा स्वागत कार्यक्रममा नेपालगञ्ज उपमहानगरपालिकाका निवर्तमान उपमेयर उमा थापामगर, नेपाली कांग्रेस, नेकपा एमाले, माओवादी केन्द्र, राप्रपालगायतका प्रतिनिधिले शुभकामना दिएका थिए ।
