कारको ठक्करले तीन जनाको मृत्यु

नेपालगञ्ज – नेपालगञ्जमा कारको ठक्करबाट तीन जनाको मृत्यु भएको छ ।

प्रदेश ३- ०१ – २३ च ८४८१ नम्बरको कारले नेपालगञ्जको वीपीचोक नजिक ठक्कर दिंदा ६५ वर्षीया समिना इद्रिसी, ५ वर्षका कसिम इद्रिसी र ५ वर्षका अलि इद्रिसीको मृत्यु भएको बाँके प्रहरीले जानकारी दिएको छ ।

घटना गएराती ११.४५ बजे भएको थियो । बाटो हिडिरहेका तीन जनालाई कारले ठक्कर दिएको थियो । कारले ठक्कर दिएलगत्तै घाइते भएका उनीहरुलाई त्यही कारमा राखेर चालकले नजिकैको नर्सिङहोम पु¥याएका थिए । १५ मिनेट पछि नै अस्पतालले मृत घोषणा गरेको थियो ।

बाँके प्रहरीले कार र चालकलाई नियन्त्रणमा लिएको छ ।