साइकल खेलाडीलाई गणपति कार्की र थापाको जर्सी र नगद सम्मान

नेपालगञ्ज – चितवनको भरतपुरमा आयोजना भएको प्रज्ञा स्मृति साइकल म्याराथनमा पदक जित्ने बाँकेका खेलाडीलाई सम्मान गरिएको छ ।

बाँके जिल्ला साइक्लिङ संघले प्रज्ञा स्मृति साइकल म्याराथनमा फिमेल इलाइट गु्रपमा १० औं स्थान प्राप्त गरेकी रुपा चौधरी, मेल मास्टर गु्रपमा पाँचौ भएका देव बोहोरा, छैठौ भएका जंगु थारु र १५ औं स्थानमा आएका दीपक मल्ललाई सम्मान गरेको हो ।

पदक विजेता चौधरीलाई भैरवप्रसाद गणका गणपति प्रमुख सेनानी जनमत कार्कीले पाँच हजार बराबरको केलमी जर्सी र नगद एक हजार, नेपालगञ्ज घर भई सिंगापुरमा बस्ने इन्द्रबहादुर थापाले पठाइदिएको पाँच हजार रुपैया उनका भाई नारायण थापामार्फत हस्तान्तरण गरिएको संघका अध्यक्ष गगन थापाले जानकारी दिनुभयो । गणपति अरु तीन जना खेलाडीलाई पनि एक एक हजार रुपैयाले पुरस्कृत गर्नुभयो ।

सम्मान कार्यक्रममा संघमा आवद्ध विभिन्न व्यक्तित्वहरुको उपस्थिति रहेको थियो ।