गठबन्धनको संभावनालाई नकार्न सकिदैन : कांग्रेस प्रवक्ता

नेपालगञ्ज – नेपाली कांग्रेसका प्रवक्ता डा. प्रकाशशरण महतले आगामी चुनावमा गठबन्धनको संभावनालाई नकार्न नसकिने बताउनु भएको छ ।
प्रेस युनियन, बाँकेले नेपालगञ्जमा आयोजना गरेको पत्रकार भेटघाटमा पार्टी प्रवक्ता डा. महतले कांग्रेसले गठबन्धन गर्दा धेरै सीट जित्छ कि नगर्दा धेरै जित्छ त्यो आकलन गरेर मात्रै गठबन्धन गर्ने वा एक्लै चुनाव लड्ने बताउनुभयो । उहाँले गठबन्धन गर्ने अन्य दलको प्रस्तावलाई पनि हेरिने बताउनुभयो ।
पार्टी प्रवक्ता डा. महतले अहिले नै गठबन्धन हुन्छ कि हुँदैन भन्ने यकिन नभएको बताउनुभयो ।
उहाँले एमसीसीमा भ्रम छर्ने प्रयास गरिएपनि विफल भएको बताउनुभयो । कांग्रेसले थालेको घरघर जाने अभियानमा एमसीसीको भ्रम तोड्ने बताउनुभयो । डा. महत सल्यान जाने क्रममा नेपालगञ्ज आउनु भएको थियो ।