बाँकेमा किशोरी बलात्कृत

नेपालगञ्ज – बाँकेमा एक किशोरी बलात्कृत भएकी छन् ।
बाँके प्रहरी प्रवक्ता मधुसुदन न्यौपानेका अनुसार, जाजरकोट घर भई नेपालगञ्जमा डेरा गरी बस्ने १८ वर्षीया किशोरी बलात्कृत भएकी हुन् । किशोरी अरु तीन जना युवकसँग खजुराको पुलचोकमा फोटो खिचाउन गएकी थिइन् । त्यसक्रममा स्थानीय युवासँग झगडा भयो । झगडा भएपछि किशोरीलाई मोटरसाइलमा राखेर एक युवकले लगे । त्यसपछि उसले पहिला झाडीमा र पछि घरमा लगेर बलात्कार गरेको किशोरीले बताएकी छन् ।
प्रहरीले बलात्कार आरोपी युवकसहित दुई जनालाई नियन्त्रणमा लिएको छ । अन्यको खोजी भइरहेको जनाएको छ ।