ट्रकको ठक्करबाट हमालको मृत्यु

नेपालगञ्ज – नेपालगञ्जमा ट्रकको ठक्करबाट एक जनाको मृत्यु भएको छ ।
नेपालगञ्जको पुष्पलालचोक नजिक अपरान्ह ४.४० बजे ना ६ ख २६२३ नम्बरको ट्रकले ठक्कर दिंदा भे ७ प २७८१ नम्बर मोटरसाइकलमा रहेका कालिकोटका कुशराज हमालको मृत्यु भएको हो । ट्रकको ठक्करबाट गम्भीर घाइते भएका हमाललाई उपचारको लागि नेपालगञ्ज मेडिकल कलेजमा ल्याइएको थियो । उनको बाटोमै मृत्यु भएको छ ।
बाँके प्रहरीले ट्रक र चालकलाई नियन्त्रणमा लिएको छ ।