चार जना निको, तीन जना थपिए

नेपालगञ्ज – बाँकेमा मंगलबार चार जनाले कोरोनालाई जितेका छन् ।
जिल्ला कोभिड व्यवस्थापन केन्द्र, बाँकेका अनुसार, दुई महिला र दुई पुरुषले कोरोनालाई जितेका हुन् । कोरोना जितेका उनीहरुलाई डिस्चार्ज गरिएको छ ।
मंगलबार बाँकेमा तीन जना नयाँ संक्रमित थपिएका छन् । यहाँका तीन वटा ल्याबमा ५५ जनाको परीक्षण गर्दा ३ जनामा कोरोना देखिएको हो । कोरोना देखिएका तीन जनामध्ये दुई जना बाँके जिल्ला निवासी रहेका छन् ।
भेरी अस्पतालमा १७ जनाको जाँच गर्दा दुई जना र कोहलपुर मेडिकल कलेजमा २१ जनाको जाँच गर्दा एक जनालाई कोरोना देखिएको छ । बागेश्वरी ल्याबमा १७ जनाको जाँच गर्दा कसैलाई पनि कोरोना देखिएन ।
जिल्लामा ३० जना सक्रिय संक्रमित रहेका छन् । दुई जना सिकिस्त, १५ जना मध्यम र एक जनाको भेन्टिलेटरमा उपचार भइरहेको छ ।