डल्लवको टायर पड्केर लाग्दा राई गम्भीर घाइते

नेपालगञ्ज – डल्लव (लडिया) को टायर पड्केर लाग्दा एक जना गम्भीर घाइते भएका छन् ।
बाँके जानकी गाउँपालिका वडा नं. १ का ३५ वर्षीय सोवत राई पड्केको टायरले लागेर गम्भीर घाइते भएका हुन् ।
बेलभारमा रहेको आफ्नै अटोपार्टसमा विहान सवा नौ बजे डल्लवको टायरमा हावा भरिरहेको बेलामा टायर पड्केको थियो । टायर पड्किदा त्यसले राईलाई टाउकोमा गम्भीर चोट लागेको छ । राईको अहिले नर्सिङहोममा उपचार भइरहेको छ ।
बेलभारमा राईको आफ्नै साई अटो पार्टस् एण्ड सर्भिस सेन्टर रहेको छ । त्यही उनले डल्लवमा हावा भरेका थिए । स्थानीयका अनुसार, राईको अवस्था गम्भीर रहेको छ ।